Ar ôl cysylltu â ni byddwn yn cynnig asesiad cynhwysfawr i chi dros y ffôn i benderfynu ar addasrwydd y gwasanaeth i chi ac eich union anghenion. Byddwch chi a’r asesydd yn trafod rhestr o wasanaethau posib ac yna’n cytuno ar yr un sydd fwyaf addas ar eich cyfer chi.
Hunan Help
Byddwn yn eich helpu i ddod o hyd i’r wybodaeth sydd ei hangen arnoch i fedru rheoli’ch iechyd meddwl ac emosiynol. Gallwn eich rhoi ben ffordd ynghylch llawer o wybodaeth ar y we ynghyd ag awgrymu taflenni a llinellau cymorth.
Hunan Help gydag Arweiniad
Mae Therapi Ymddygiad Gwybyddol Cyfrifiadurol (CCBT) Sirioldeb yn rhaglen hunan help rhyngweithiol sy’n fodd ichi gwblhau cyfres o fodiwlau hunan help yn eich amser eich hun. Mae modiwlau yn ymdrin â phynciau fel sut i reoli eich gorbryder ac iselder a thechnegau ymlacio. Yn dilyn cyfarfod cyflwyno gyda gweithiwr Therapi Ymddygiad Gwybyddol Cyfrifiadurol, bydd sesiynau dilynol rheolaidd dros y ffôn/e-bost.
Grwpiau Therapiwtig
Mae’r grwpiau therapiwtig canlynol mewn lleoliadau cyfleus ar draws Gogledd Cymru, mewn saith neu wyth sesiwn wythnosol:
- Ymdopi gyda bywyd
- Sgiliau rheoli straen
- Lleihau straen drwy ymwybyddiaeth
- Ymwybyddiaeth ar gyfer iselder
Bydd y cyrsiau addysg hyn yn canolbwyntio ar eich taith at wella. Yn y cyrsiau byddwch yn ennill y sgiliau sydd eu hangen arnoch i reoli’ch iechyd meddwl a lles yn fwy effeithiol.
Mae rhestr o’r cyrsiau ar y gweill isod.
Therapi Unigol
Mae’n bosib y byddai therapi unigol yn ddefnyddiol os ydych chi’n teimlo fod angen ichi fynd i’r afael gyda digwyddiadau bywyd heriol neu drafferthion iechyd meddwl cyffredin un-i-un gyda chynghorydd cymwys. Bydd cyfle ichi fanteisio ar asesiad cwnsela ynghyd â chwe sesiwn cwnsela. Mae’r sesiynau yn wythnosol gyda phob sesiwn yn para am 50 munud.
Grwpiau therapiwtig ar y gweill
Mae llawer o grwpiau Parabl bellach yn digwydd ar-lein
Sir: Meirionydd | Cwrs: Pryder & Pryder/Iselder | Dyddiad / Cyfnod : Mawrth/Ebrill, 6 wythnos | Lleoliad: Ar-lein | Darparwr: Tan y Maen, Church Street, Blaenau Ffestiniog, LL41 3HB
Sir: Meirionydd | Cwrs: Therapi Derbyniad ac Ymrwymiad | Dyddiad / Cyfnod : I’w gadarnhau, 6 wythnos | Lleoliad: Ar-lein | Darparwr: Tan y Maen, Church Street, Blaenau Ffestiniog, LL41 3HB
Grwpiau ymwybyddiaeth ofalgar
I’w gadarnhau